Leikarinn Joe Manganiello, sem fékk hjörtu kvenna um allan heim til að slá hraðar þegar hann lék listir sínar í kvikmyndinni Magic Mike, er sagður vera tilbúinn að bera upp bónorð til kærustu sinnar, leikkonunnar Caitlin O'Connor. Parið hóf sambúð í febrúar eftir tæplega hálfs árs samband.
„Trúlofun er í kortunum og þau hyggja á barneignir,“ sagði heimildarmaður við Us Weekly.
Manganiello sást yfirgefa líkamsræktarstöð í Kaliforníu í september á síðasta ári ásamt O'Connor. Var það aðeins örfáum vikum eftir að fyrrverandi leikarahjónin tilkynntu um skilnað sinn. Manganiello og Vergara voru gift í sjö ár og er sagt að ágreiningur um barneignir hafi á endanum leitt til skilnaðar.
Manganiello og O'Connor opinberuðu samband sitt á rauða dreglinum í desember.