Enska knattspyrnuliðið Manchester United hefur glímt við talsverða fjarveru leikmanna vegna meiðsla undanfarnar vikur og mánuði en nú er aðeins að rofa til í þeim efnum.
Félagið skýrði frá því á heimasíðu sinni í dag að Jonny Evans og Anthony Martial væru byrjaðir að æfa með liðinu á ný.
Martial hefur ekkert spilað vegna meiðsla síðan í janúar og Evans meiddist í byrjun apríl.
United sækir Crystal Palace heim á mánudagskvöldið en liðið er í sjötta sæti úrvalsdeildarinnar þegar fjórum leikjum er ólokið, sex stigum á eftir Tottenham sem er í fimmta sætinu.