Börkur Sigþórsson leikstýrir BAFTA-verðlaunahafa
Setja bókamerki
Börkur Sigþórsson, leikstjóri, handritshöfundur og ljósmyndari, hefur á undanförnum mánuðum unnið hörðum höndum að gerð nýrrar þáttaraðar, titluð Insomnia. Börkur, sem leikstýrði meðal annars íslensku þáttaröðinni Ófærð, sá um leikstjórn en hann er einnig einn framleiðenda.
Þættirnir, sem eru sex talsins, eru byggðir á skáldsögu Söruh Pinborough og verða frumsýndir á streymisveitunni Paramount+ þann 23. maí næstkomandi.
Breska leikkonan Vicky McClure, þekktust fyrir hlutverk sitt í spennuþáttaröðinni Line of Duty, fer með aðalhlutverkið. McClure hlaut BAFTA-verðlaun árið 2011 fyrir leik sinn í kvikmyndinni This Is England.
Börkur birti mynd af sér ásamt McClure á Instagram og segir það einstök forréttindi að hafa fengið að vinna með bresku leikkonunni.
„Bíð bara eftir að það fari að gjósa aftur“
Kemur ekki til greina að semja við ESB
Kærir teiknara Vísis til siðanefndar
„Trúlega rákumst við saman“
Rannsaka drómasýki í hestum
Um 70 jarðskjálftar í kvikuganginum