Handknattleiksparið Sandra Erlingsdóttir og Daníel Þór Ingason á von á sínu fyrsta barni saman. Þau eru bæði atvinnumenn í handknattleik og eru búsett í Þýskalandi þar sem Sandra leikur með Tuz Metzingen í þýsku úrvalsdeildinni og Daníel með Balingen. 

https://www.mbl.is/fjolskyldan/frettir/2024/01/26/sandra_erlings_og_daniel_eiga_von_a_barni/

https://www.mbl.is/sport/handbolti/2024/02/16/spiladi_olett_a_heimsmeistaramotinu/

Parið greindi frá óléttunni í janúar síðastliðnum og tilkynntu kynið í mars, en þau eiga von á strák.

Á dögunum hélt lið Söndru svo óvænt steypiboð fyrir hana á æfingasvæðinu, en þær komu henni sannarlega á óvart með bláum skreytingum og gómsætum veitingum. Þá fékk Sandra sérmerktar samfellur og smekki frá liðinu í sannkölluðu handboltaþema. 

Fékk kynjaveislu á vellinum í Lundúnum

Það virðist ekki vera óalgengt að blásið sé til veislu þegar liðsmenn eru barnshafandi, en í október í fyrra hélt enska félagið West Ham, sem knattspyrnukonan Dagný Brynjarsdóttir leikur fyrir, flotta kynjaveislu fyrir hana á æfingasvæðinu. 

https://www.mbl.is/sport/efstadeild/2023/10/04/dagny_a_von_a_strak_vel_fagnad_i_lundunum/